‘Vuk i sedam jarića u muzeju bajki’ predstava Dječijeg pozorišta Republike Srpske, na repertoaru je HAPS-ovog programa za mališane večeras od 19 sati.

‘Da li ste ikada bili u muzeju? Ako jeste, sigurno ste vidjeli sve te izložene zanimljivosti, možda plišane igračke, kamenje i fosile i sve to uz mnogo informacija. Sada pokušajte zamisliti da ćete tamo sresti sedam malih jarića i njihovu majku kozu, čak i vuka koji svojim tihim glasom govori: ‘Otvorite vrata, to sam ja, vaša majka’
Možete li da zamislite? Naši glumci će vam to pokazati’ – kažu u banjalučkom Dječijem pozorištu.

Tekst i režiju predstave potpisuju Predrag Bjelošević i Biserka Kolevska , dok su adaptaciju poznate bajke najmlađoj publici donijeli glumci Ana Anđelić, Saša Terzić, Zorana Šuman i Đurđa Babić.

Ulaznice za HAPS mogu se kupiti na blagajni Dvorane Park u terminima od 9 do 12 sati i od 18 do 20:30 sati.

Cijena ulaznice za večernje predstave je 5 €, a za dječije 3 eura.