ISTJERIVAČI DUHOVA: Ledena prijetnja, fantastična komedija zasnovan na kultnom ostvarenju iz 1984. godine, večeras je na bioskopskom programu Dvorane Park.
Porodica Spengler se vraća na mjesto gdje je sve počelo – vatrogasni dom u Njujorku – da bi se udružila sa izvornim Istjerivačima duhova. Oni su razvili tajnu istraživačku laboratoriju kako bi hvatanje duhova postavili na viši stepen. Ali prilikom otkrića drevnog artefakta oslobađa se zla sila, i novi i stari Istjerivači duhova moraju udružiti snage kako bi zaštitili svoj dom i spasili svijet od drugog ledenog doba.
U filmu glume Pol Rud, Keri Kun, Fin Vulfhard, Mekena Grejs, Kumail Nandžiani, Paton Osvalt, ali i Bil Mari, dok režiju potpisuje Gil Kenan.
Projekcija počinje u 20 i 30. Cijena ulaznice je 4 eura.
U dječijem programu od 18 sati biće prikazana animirana avanturistička komedija GARFILD, razvijena prema likovima iz istoimenog stripova Džima Dejvisa.
Nakon što se njegov divan, opušten i sit život sa Džonom i Odijem potpuno promijeni kada ga posjeti njegov otac Vik, Garfild mora da krene u avanturu gdje će naučiti nešto potpuno neočekivano.
Cijena ulaznice je 3 eura.
Dodatne informacije mogu se dobiti na telefon 068 851 031.
