Transformacija mirisa u umjetnički doživljaj u Galeriji Alexander

U galeriji Aleksander na Rosama u toku je izložba pod nazivom *Transformacija*, koja istražuje odnos između osjetilnog doživljaja i savremenih tehnoloških dostignuća. Kustoskinje projekta su Jana Zubcova i Ljudmila Belova.

U okviru projekta, posjetiocima će biti ponuđeno da testiraju nekoliko rijetkih parfema i odaberu one koji će biti transformisani u umjetničko djelo.

‘Hemijska formula parfema može opisati njegov sastav, ali ne i sam miris, a još manje emocije koje budi. Iako istraživački timovi u institucijama poput Google Osmo AI-a rade na razvoju „mape mirisa“, a na Institutu za održivo nasljeđe istražuju metode očuvanja mirisa, miris ostaje, barem za sada, “slobodna zona.” To je prostor subjektivnosti, nejasnoće i nijansi, u kojem sve počiva na ljudskim osjetima, osjećanjima i asocijacijama. Upravo ova otvorenost privlači umjetnike, koji koriste mirise i arome kao umjetnički medij u oblasti olfaktorne umjetnosti’ – kaže se u najavi izložbe.

Svoje radove će predstavioti umjetnici Nestor Harčenko, Aljona Kaljanova, Mats Nordstrom, Ljudmila Belova, Marina Gorkajeva, Daša Delone, Jekaterina Korčagina, Dmitrij Gorjačkin, Katja Usova, Dinara Pavlovič, Ruslan Solopejev, Ales Kočevnik, Katja Kendor, Anja Kudrjavceva, Irina Korsakova, Jelena Mihnovska, Mihail Zvjagin i Anton Ketov.
Izložba je otvorena do 26. januara.

 

 

Kalendar

februar, 2025